Pakistan-in IMF loan thar hmuh an beisei

Pakistan finance minister, Muhammad Aurangzeb chuan kumin June thla emaw, July thla tir lamah emaw chuan Pakistan-in International Monetary Fund (IMF) nena inremna thar an neih theih a beisei thu a sawi.

Pakistan sorkar hian IMF hnen aṭang hian an ram sum leh pai dinhmun chhe tak khaichhuak a, siam ṭhat lehna tur atan loan tam tham tak an beisei a, hemi chungchangah hian IMF hi inbiakna neihpui mekin, Mohammad Aurangzeb chuan staff level-ah tal July thlaah chuan inremna an neih a beisei thu hi a sawi a ni.

Finance minister, Mohammad Aurangzeb hian kar hmasa khan official eng emaw zat nen IMF leh world bank spring meeting-ah, Washington, USA-ah an kal a. he hunah hian IMF hotute nen hian inkawmin, inbiakna ṭha tak an neih thu leh, loan thar hmuh an beisei rual hian loan tam lam leh rei zawng tur erawh an sawi thlen rih loh thu a sawi lang.