KNU-in Myawaddy khua aṭangin an mi leh sa hnuk kir

Myanmar helpawl, tun hnaia Myanmar sipai kut aṭanga Thailand ramri bula khaw pawimawh tak, Myawaddy khaw laksaktu, Karen National Union (KNU) chuan sipaite'n an rawn beih let leh avangin khua aṭangin an mi leh sate an hnuk kir rih tih an sawi.

KNU thupuangtu chuan Myawaddy aṭang hian an mi leh sate hnuh kir hlen an tum lo tih a sawi a, an pawl armed wing, Karen National Liberation Army (KNLA) chuan Myawaddy pana kal, sipaite leh anmahni thlawptute chu an la tichhe vek dawn a ni, a ti. Hemi rual hian eng hunah nge chet an lak dawn erawh a sawi lang lo.

Sipaite hian helpawl kut aṭanga Myawaddy khaw lak let tumin border bridge crossing-ah an inkhuar a, helpawl nen an inkah zui avangin kar liam ta Inrinni aṭang khan boruak a chhe chho leh hle a, hemi ni hian civil mi 3,000 vel chu hmun him lamah an tlanchhia a ni.