US-in Iran nena insumdawn tawn company tam tak hrek

United States chuan danin a phal chin baka Iran sumdawnpui ṭhin leh Iran UAV a ruka thawn chhuaktu company hrang hrang hrek an nih thu a puang. Heng zingah hian India company pathum pawh an tel.

Russia tana a ruka Iran siam, UAV thawn lut ṭhinah heng company-te hi puhin hrek an nih thu hi US hian a puang a ni. Heng company zingah hian India rama company pathum - Zen Shipping, Port India Private Limited leh Sea Art Ship Management (OPC) Private Limited te an tel a ni.

US Department of Treasury chuan Sahara Thunder chu Iran thil siamchhuah thawn chhuaktu langsar tak an ni tih sawiin ram hrang hrang, a bikin China, Russia leh Venezuela-ah an thawn chhuak ṭhin tih an tarlang. Under Secretary of the Treasury for Terrorism and Financial Intelligence, Brian E Nelson chuan US chu a ṭhian ṭha, Britain leh Canada nen Iran thil ṭha lo tih chhui chiang turin an thawkho reng dawn tih a sawi a, Iran ministry of defense chuan khawvel ram dang bakah middle-east-ah buaina chawh chhuah tumin ṭan an la reng a ni, a ti. Ukriane leh Israel buainaa inhnamhnawihna neiah Iran chu a puh bawk.