Dubai-ah khawvela airport terminal lian ber tur sa dawn

Dubai chuan USD tld. 35 senna tura ruahman, khawvela airport lian ber, sak zawh a nih huna mihring vaibelchhe 260 dawl thei tur sain bul an ṭan tawh thu a tarlang.

Prime minister leh vice president, Sheikh Mohammed bin Rashid Al Maktoum chuan airport thar chu tuna Dubai international airport an neih mek aia a let ngaa lian zawk tur a nih thu an sawi.

Dubai international airport aṭanga hian airport thar tur, Al Maktoum International Airport-ah hian insawn vek tur a nih thu Prime Minister hian a sawi a,"Dubai chhim lama airport hual vela khawpui kan din mekah hian mi tam tak chen tum an awm leh bawk anga, khawvel huapa thlawhtheihna hmanga zin veivahna huangah company lian ber berte a thleng thei tawh dawn a ni. Ṭhangtharte tan hma kan la a, kan thlahte zel tan Dubai hi khawvel hmun ropui berte zinga mi a ni tawh dawn a ni," a ti.