IMF-in Pakistan hnena USD tld 1.1 pek chhuah a remti

International Monetary Fund (IMF) chuan sum lama harsatna tawk mek, Pakistan khaichhuahna tura loan, USD tld 1.1 pek chhuah a remti. Pakistan hian a ram economy siam ṭha leh turin ruahmanna felfai, khauh taka a kalpui a ngai a ni, a ti.

IMF Executive Board chuan Thawhṭanni khan Pakistan economic reform programme-te an ennawn leh hnuah sum pek chhuah hi a remti a ni. An sum pek chhuah tur nen hian, IMF hian Stand-By Arrangement (SBA) hnuaiah Pakistan tan hian USD tld 3 a pe tling tawh dawn a ni. Tunkar chhungin Pakistan hian sum hi a dawng hman dawn tih official-te chuan an sawi.

IMF team hian tun thla chhung hian Pakistan hi tlawh an tum bawk a, climate financing kaltlanga USD tld 6-8 pek theihna tur, long-term Extended Fund Facility (EFF) chungchang sawipui an tum.