US-in chemical weapon hmangah Russia a puh

US chuan Russia chu Ukraine ram a beihnaah chemical ralthuam, Chloropicrin hmang telah a puh.

US State Department chuan Ukraine sipaite a beihnaah Russia hian chemical ralthuam hi hmangin, hei hi Chemical Weapons Convention bawhchhiatna lian tak a ni tiin, Russia-in Ukraine a dona thlawp nia puh Russia, China leh ram dang ṭhenkhat company 300 dawn hrekna a siam belh leh bawk.

Russia hi chemical ralthuam hmanga puh a nih bakah, CWC bawhchhiain indona hmunah riot control agents (tear gas) a hmang niin State Department factsheet chuan a tarlang bawk a ni.

UN National Institutes of Health chuan chemical chloropicrin hi warfare agent bakah rannung thahna, pesticide atana hman ṭhin a ni tiin, mihringin a hip luh chuan a hriselna tan a pawi thei niin a sawi. Chloropicrin hip chuan luak te a chhuak tel bawk a, hei vang hian sipaite chuan a mask-te an phelh phah a, gas ṭha lo zawk hi an hip phah thei a ni.