Kenya sorkarin building him lo a ṭhiahsak

Kenya sorkar chuan an ram khawpui, Nairo-bi-a mihring chenna atana him tawk loa ngaih building a ṭhiahsak.

Kar hmasa khan Nairobi-a Huruma district-a in pakhat, chhawng ruka sang a chim avangin mi 42 an thi a, hemi hnuhian thuneitute chuan he district-a in dangte chu enfiahin, in pariat chu chenna atana him tawk loah ngaihin ṭhiah an ni. Heng bakah hian in dang 200 chuang pawh ṭhiah tura tih a ni bawk.

In chim aṭang hian mi 140 chhanchhuah an ni a, tun thlengin chin hriat lohin mi 70 vel an la awm. Thuneitute chuan danin lui aṭanga meter 30 tala hlaa in sak tur a tih laiin, Huruma district-a in chim hi lui aṭanga meter 5 chauha hlaa sak a ni, an ti. National Construction Authority chuan he in hi chenna tlak lo tiin a lo chhinchhiah tawh a, mahse tualchhung thuneituten hma an la zui lo niin an sawi. He in neitu mi pahnihte chu man an ni tawh a, mahse dollar 5,000 chawiin bail-a chhuahtir leh an ni.

Nairobi khawpuia cheng mi maktaduai li zinga a tam zawk hi mi rethei chenna biala awm a ni a, in luah tur mamawhna a san avangin mi tam takin sorkar dan siamte zawm loin in an sa fo a ni.