US ramri bul jail-ah 'El Chapo' sawn

Mexican drug lord, Joaquin 'El Chapo' Guzman chu El Paso, Texas-a a tanna hmun aṭangin US ramri bul, Ciud Juarez jail-ah sawn a ni.

Khawvela ruihhlo tawlhrutu pawl lian ber zinga ngaih, Sinaloa pawl hotu, Guzman hi man a nih hnuah ṭum hnih tan-in aṭangin a tlanchhuak tawh a ni. A ṭum hnihnaah hian tan-in ven uluk tak, Altiplano aṭangin a tanna cell hnuaia km 1.5 zeta thui lei verh aṭangin a tlanchhuak a, thla ruk zet a bikbo hnuin kumin January thla khan Mexican police-ten an man leh a ni. Altiplano jail
aṭanga a tlanchhuahnaah hian jail thuneitute leh vengtu eng emaw zat chu inhnamhnawihah puhin man an ni tawh bawk.

Guzman hi US chuan an rama ruihhlo a tawlh≠luh avangin manna tur thupek a tichhuak a, Me≠xico sorkar hnenah pawh a thubuai hmachhawn tura an rama thawn turin a ngen a, mahse hei hi Mexico chuan a la remtihsak lo. Kum 2013 khan Chicago Crime Commission chuan Public Enemy Number One-ah a lo puang tawh a, US federal dsitrict court pasarih-in hei hi an pawmpui bawk a ni. Guzman hian enkawlna ṭha zawk a dawn theih nan US-ah thawn vat turin a ngen thung.

Official-te chuan US ramri bul jail-a sawn a nih vang hian US-ah thawn an tum tihna a ni lo tih sawiin, venhimna lam thil avangin tangte hi an sawnkual ṭhin tih a sawi. Guzman-a chauh lo, tang dang 7,400 pawh an tanna hmun sawn kual an ni tih an sawi.