Philippines President thar tur thlang

Philippines mipuite chuan nimin khan an ram President thar tur thlangin vote an thlak. President ṭanglai Benigno Aquino III chu June 30 hian a term a tawp dawn a ni.

Zing dar 6 aṭangin vote thlak ṭan a ni a, tlai dar 5-ah khar a ni. Vote nei mi maktaduai 55 dawn an awm.

President thlannaah hian candidate panga an awm a, an zingah hian Davoa city mayor, Rodrigo Duterte chu a tling tura rin kai ber a ni. Candidate dang zingah Senotor Grace Poe a ni a, Duterte khing thei tura rin a ni a, mahse US citizenship a neih chu beihna remchangah candidate dangten hmangin a din≠hmun pawh a pawh hniam phah a ni. Candidate dangte chu Senator hlui Manuel Roxas II, vice president nilai Jejomar Binay leh Senator Miriam Santiago-te an ni.

Candidate zinga che ṭha ber tura ngaih, Duterte hi human rights palzuta puh a nih bakah a hausakna zepah puh a nih a, a campaign-naah an rama pawikhawihna thleng leh eirukna hluar zel chu tihrem tuma beih a tum thu a sawi.

Mipui hian president bakah vice president, parliament member leh local official-te an thlang tel nghal dawn a ni. Election commission chuan president leh vice president inthlan result hi unofficial-in darkar 72 chhungin a hriat theih dawn tih a sawi.