Israel PM-in Gaza tunnel tihchhiat a tiam

Israel Prime Minister Benjamin Netanyahu chuan Palestinian firfiak pawl, Hamas-ten Israel rama luhrukna atana ramri-a lei an verh ṭhin chu an tihchhiat vek tur thu a sawi.

Pathianni-a weekly cabinet meeting neihnaah he thu hi sawiin, Israel himna tur chuan a ṭul angin hma an la zel dawn tih a sawi a, Hamas ho leiverh chu an tihchhiat vek hma chuan an chawlhsan mai dawn lo tih a sawi. Kar kalta khan Israel sipaite chuan Gaza Strip nena an inri-naah Hamas ho leiverh an lo hmu≠chhuak tawh a ni.

Israel sipai leh Gaza Strip thununtu, Hamas ho hi kar kalta chhung khan ni li zet an inbei leh. Gaza aṭang hian firfiakte hian leiverh zawnchhuah tuma thawktu, Israel sipaite chu mortar 12 leh silai hmangin an lo kap a, Israel sipaite hian an kap let ve nghal a ni. Mahse thi leh hliam erawh an awm hriat a ni lo. Pathian≠ni khan an inkah hi an titawp a ni.

Hamas-te beihna hi Israel chuan laipui leh thlawhtheihna hmangin ṭum eng emaw zat a chhang let bawk.