China hospital-a inbeihna thlengah mi 10 an thi

China chhimthlang lam, Yunnan province-a Zhaotong khuaah nimin khan mi pakhatin Zhenxiong County People Hospital chu luhchilhin, a chhunga awmte chu chem nen a bei a, mi 10 chuang an thi. Pawikhawihtu nia rinhlelh chu man a ni tawh bawk.

Thuneitute chuan thil thleng hi chhui chian mek a nih thu an sawi a, an mi man hi pawikhawihtu a ni ngei em tih erawh sawi chian a la ni lo. Pawikhawihna thlen hun hi an ram huna chawhnu dar 1:20 vel a ni a, pawikhawihtu hi a tlan chhuak hman niin an sawi.

China ramah hian silai khap a ni a, hei vang hian chem hmanga inbeihna a thleng fo a ni. Nikum August thla khan Yunnan province-ah vek hian mi pakhat, rilru lama harsatna nei nia sawi chuan chem hmanga mi a beihnaah mi pahnih thiin, mi dang pasarihin hliam an tuar. Hemi hma hian Guangdong province-a kindergaten chu chem nen beih a ni bawk a, mi paruk an thi bawk a ni.