Sri Lanka-in punkhawm khap

Sri Lanka sorkar chuan an ramah Covid-19  kai hmuh chhuah thar an pun leh tak avangin nimin aṭang khan hri leng laka invenna turin khuahkhirhna khauh zawk a siam thar leh a, mipui punkhawmna lam chi huaihawt a khap.

Thawhṭanni khan garment factory-a thawk zingah hri kai 830 hmuh chhuah thar niin, mi 1,000 chuang chu inkhung hrang tura tih an ni bawk. Sri Lanka-ah hian nimin thleng hri kai hmuh tawh hi mi 3,733 awmin, mi 13 in an thihpui tawh a ni. Thuneitute chuan hri kai, in enkawl duh lote chu an chungah action lak a nih tur thu an sawi a, khuahkhirhna dan siam bawhchhiate chu pawisa chawi tir bakah thla thum thleng lungin tantir theih an ni tih an sawi.