Nobel Prize 2020 dawng tur puan belh

Kumina Nobel Prize dawng tur chu Thawhlehni leh Nilaini khan puan belh leh a ni. 

Nobel for physics dawng turin Roger Penrose, Rein­hard Genzel leh Andrea Ghez-te  tura thlan an ni.

Britain mi Roger Penrose hi black hole a hmuh chhuah avangin thlan a ni a, Reinhard Genzel, Germany leh Andrea Ghez, US hian galaxy lai taka super­massive compact object an hmuhchhuah vangin an dawng bawk ang. Roger Penrose chuan mathematical method hmangin Albert Einstein-a theory of relativity chu a chawhpawlh a, hemi pahnih hmang hian black hole chu a hmuchhuak ta a ni.   

Reinhard Genzel leh Andrea Ghez chuan galaxy lai takah object lian tak an hmu chhuak a, chu object lian tak chuan orbit-a star-te chu a thunun a ni. 

Nobel Prize for Che­mistry dawng turin French scientist Emmanualle Charpentier leh American Jennifer A Doudna-te thlan an ni tih nimin khan puan a ni leh bawk. Anni pahnih hi genome editing method, CRISPR tihhmasawnna tura an hna thawh avangin he chawimawina dawng tur hian thlan an ni.