Austria Chancellor a bang

Austria Chancellor Werner Faymann chu Thawhṭanni khan Chancellor leh an party, Social Democrats (SPO) chairman a nihna aṭangin a bang.

Vienna-a chanchin thar lakhawmtute a kawmnaah, Faymann chuan an party-ah thlawptu a neih ṭhat tawk loh avangin a bang tih sawiin, an ram chuan party pumin an thlawp theih tur chancellor thar an mamawh a ni, a ti.

Faymann chuan, " SPO aṭangin a tam zawk chuan min thlawp a, mahse hei ringawt hi a tawk loh hun a awm. Party pumin an thlawp che a ngai a ni" tiin a sawi.

Tun hnaiah an party chhunga Faymann larna leh duhtu hi an tlahniam chak hle. Kar hnih liam taa president thlannaa SPO candidate Rudolf Hundstorfer-an vote 11% chauh a hmuh avang khan party chairman sawiselna hi a nasat phah hle. May 1-a SPO-in an tihdan ṭhin anga traditional parade an neihna pawh party member-te chuan Chancellor hi an lo au el hial a ni.

Party chhunga an hruaitu atana Faymann awm chhunzawm duh lotu an awm a, pawl ṭhenkhat chuan ualau takin an sawisel a ni. Hei vang hian Faymann chuan banna hi a thehlut ta a ni.