Egypt-in Gaza ramri a hawng

Egypt chuan Gaza Strip nena an inri-na, Rafah border chu ni hnih atan a hawng.

Ramri hi Nilaini leh Ningani khan an hawng a, he tih chhung hian Gaza Strip aṭangin Palestinian mi tam tak chu Egypt ramah an lut a ni. Ramri an hawn hnu≠hnun ber chu kumin February thla kha a ni a, ni thum chhung atan an hawng a ni.

Gaza Interior Ministry-a Deputy Miniter Kamel Abu Madi chuan Gaza Strip-a chengte dinhmun a chhe tawh hle a, hetihlaia ni hnih chhung atan chauha ramri hawn a ni chu a sawisel a, an harsatnate an chingfel hman dawn lo a ni, a ti. Ramri hawn chhung hian Egypt rama zin tuma inziak lut mi 30,000 chuang an awm hman a ni. Madi chuan Egypt thuneitute hnenah ramri chu hawng reng tura ngenin, Gaza Strip nunna chawk luhna hmun a ni,a ti.

Gaza Strip thununtu, Islamist Hamas movement leh Egypt inkar hi kum 2013-a Egypt president aṭanga Islamist Mohamed Morsi paihthlak a nih aṭang khan a chhe chho a, Egypt chuan an ramchhung inrelbawlnaah Hamas-te chu inrawlhah a puh bawk.