Israel beihpui thlaknaah Hezbollah commander a thi

Israel sipaiten tunkar tir lama Syria rama beihpui an thlaknaan Hezbollah helpawl commander Mustaf Badreddine a thi.

Hezbollah chuan niin khan an pawl hruaitu thih thu hi an tarlang a, Badreddin chu hruaitu ropui tak a nih thu an sawi.

Kum 55 mi Badreddin hi Hezbollah-a high ranking official zinga mi a ni a, US osrkar chuan Syria-a helpawlte pawikhawihna thlennaa bultumtu ber niin a sawi. Kum 1983 khan Kuwaita rama bomb a tihpuah avangin thi tura hremna pek a ni tawh a, mahse kum 1990 khan Kuwait jail aṭang hian a tlanchhuak a ni.

Hezbollah thuchhuah chuan an hotu hia Thawhlehni zana Damascus airport bul beihnaah a thi niin a sawi a, a thihna chhan ber hi thlawhtheihna hmanga beihnaah nge missile hmanga beihnah tih an la hrechiang lo tih a sawi. Lebanon TV station al-Mayadeen chuan Israel sipaite beihnaah a thi niin a tarlang.