Uganda President lakluh inkhawm aṭangin palaite chhuak tau

Uganda President Yoweri Museveni lakluh inkhawm aṭangin khawthlang ram palaite an chhuak tau.

Kum 1986 aṭanga Uganda President dinhmun chelhtu, President Museveni hi a term nga-na atan Ningani khan lakluh a ni. Lakluh inkhawmah hian Museveni hian International Criminal Court (ICC) chungchang a sawisel avangin US, European leh Canadian palaite chu lungawi loin an chhuak tau a ni.

US state deparment chuan inkhawm buatsaiha Sudan president Omar al-Bashir a tel ve chu an duh lo bawk tih a sawi. Bashir hi mi tam tak thihna thlentua puh a nih chungchangah ICC chuan manna tur thupek pawh a lo ti≠chhuak tawh a ni.

Ningani-a Uganda president lakluh inkhawmah hian Chad, Ethiopia, Kenya, Somalia, South Africa, South Sudan, Tanzania leh Zimbabwe ram hruaitute pawh an tel.

Museveni chuan ICC mi ṭang≠kai lo awmkhawmna a ni tiin, a thlawp loh thu a sawi chhuak a ni.