Kuwait crown prince thar tur ruat

September 30-a Emir of Kuwait atana ruat, kum 83 mi Nawaf Al-Ahmad Al-Jaber Al-Sabah chuan Nilaini khan crown prince atan National Guard deputy head Sheikh Meshaal al-Ahmad al-Jaber al-Sabah chu a ruat.

Kuwait crown prince ni tur hian Al-Sabah family member nih a ngai a, Emir of Kuwait chuan crown prince tur hi ruat mah se Kuwait's parliament, National Assembly chuan absolute majority-a an pawmpui a ngai leh ṭhin a ni. Crown prince thar chungchang hi nimin khan National Assembly chuan a ngaihtuah ang. 

Crown prince thar, kum 80 mi Sheikh Meshal hi kum 2004 aṭang khan Kuwait National Guard deputy chief a ni a, emirate ramri venhimna kawnga a ṭhawh ṭhat em avangin mi thil ti thei tak a ni bawk. 

Sheikh Meshal leh Nawaf Al-Ahmad nena inṭhianṭha tak an ni a, an ram ṭhenawm Saudi Arabia leh UAE nena an inkungkaihna pawh a ṭhat phah a rin thu Gulf International Forum-a Executive Director, Dania Thafer chuan a sawi.