Syria sipaiten hospital la let

Syria sipaite chuan Islamic State (IS) firfiak pawl kut aṭangin Deir al-Zour province-a hospital an la let.

Kar kalta Inrinni khan IS-te hian Assad Hospital hi luhkhungin an la a, he hmuna thawkte hi an hreng zui nghal bawk a ni.

Syria sipaite chuan nimin khan firfiakte nen hun eng emaw chen an inkah hnuah an kut aṭang hian hospital hi la letin, hospital chhunga firfiak awmte chu an kaphlum vek a, doctor leh nurse an hrente pawh an chhuah nghal bawk.

Syrian Observatory for Human Rights chuan Inrinni-a firfiakten Deir al-Zour province an beihnaah hian Syria sipai 26 an kaphlum niin a sawi. Sipaite an kahhlum hnu hian firfiakte hian hospital hi an la a ni.