Indonesia leh SKorea-in inremna ziak

Indonesia leh South Korea sorkar chuan nimin khan insumdawn tawnna tur inremnt thuthlung, dollar tluklehdingawn 18 hu an ziak.

Indonesia President Joko Widodo chu South Korea-ah a zin mek a, a cham chhungin he inremna thuthlung hi an ziak a ni. An inremna ziah hian South Korean company paruk-ten US dollar tluklehdingawn 15.8 hu investment an tihna tur bakah, ram pahniha company-ten dollar tluklehdingawn 2.2 hu inremna an siam a huam a ni.

Thuchhuah siamin, Indonesian Chambers of Commerce and Industry chairman Franky Sibarani chuan, "Insumdawn tawnna tura inremna siam hian South Korean investor-ten Indonesia rama rinna an nghah ngam zia a tilang a ni" a ti.

Kum 2015 khan South Korean company-te chuan Indonesia ramah hian investment project 2,300 chuang an kalpui a, hei hi dollar tluklehdingawn 1.21 hu a ni a, Indonesia rama foreign investor lian panga-na a ni phak a ni.

President Widodo kaihhruaiin Pathianni khan Indonesia palaite chu ni thum cham turin South Korea-ah hian an zin a, hei hi Indonesia sorkarin an ram economy dinhmun siamṭhatna tura foreign investor-te hipluh tuma a hmalakna peng pakhat a ni. Indonesia palaite hian South Korea aṭang hian Russia an pan leh ang.