FARC-in sipai atana naupang lak tihtawp a remti

Colombia helpawl, Marxist FARC chuan sorkar nena inremna an siam tur peng pakhatah an pawl sipai atana naupang an lak ṭhinte tihtawp a remti.

Pathianni khan thuchhuah siamin, Revolutionary Armed Forces of Colombia (FARC) chuan sorkar nen inremna an siam hunah an pawl sipai atana naupang kum tling lo, kum 15 hnuai lam an lakte chu chhuahtir an remti tih an sawi. Heng naupangte hi helpawl kut
aṭanga chhuahtir an nih hnua an awm zel dan tur ngaihtuahsak chung≠changte chu sorkar aiawhte nen an rel dawn a ni.

FARC leh Colombia sorkar hian inkahhai puan a nih theih nan inbiakna an nei mek a, inrmena an siam chuan Latin America rama helna nei ber chu a tawp thei dawn a ni.

Sorkar leh helpawl aiawhte inbiakna hian hma a sawn zel a, kar kalta Zirtawpni khan President Juan Manuel Santos chuan FARC nena indona chu a tawp thuai tawh dawn tih a sawi.