NKorea-in ballistic missile an kap chhuak niin SKorea-in sawi

South Korea military chuan Zirtawpni zing khan North Korea chuan tuipui lamah ballistic missile an kap chhuak niin an sawi. South Korea joint chief of staff chuan North Korea-in missile an kah chhuah kalna lam hi a sawi lang lo thung.

North Korea hian tun hnai thla eng emaw ti chhung khan ballistic missile hrang hrang bakah cruise missile leh tactical rocket eng emaw zat a lo kap chhuak tawh a, hei hi an ram invenhimna tur atana an hmalakna pakhat niin an tarlang. Hetih lai hian Zirtawpni zinga North Korea-in ballistic missile a kap chhuak nia South Korea-in a sawi chungchangah hian NKorea hruaitu, Kim Jong Un chuan an tactical rocket-te chu South Korea pawng lutuk tur beih nan a nih thu a lo sawi tawh a ni.