US-in Libya sorkar hnenah ralthuam pek a rem ti

Libya ram buaina a ziaawm a, Libya sorkarin buaina a thunun theih nan US leh a thurualpui ramte chuan ralthuam hmanga Libya sorkar ṭanpui an rem ti.

Khawvel ram lian hruaitute Austria khawpui Vienna-a inhmukhawm chuan khawvel hmun hrang hranga buaina chungchangte ngaihtuahin, Libya ram buaina an thlir a, khawvel sorkarin Libya sorkar pangngaia a pawm ber, Government of National Accord chu ralthuam hmanga ṭanpui nise an ti a ni.

Kum 2011-a Muammar Gad≠dafi paihthlak a nih aṭang khan Libya-ah hian tualchhung buaina a lian zel a, ISI ten hma an sawn zel a, anni bakah hian pawl hrang hrangin thuneihna chan tumin an bei a ni. Ram hrang hrangte chuan Government of National Accord (GNA) hi Libya ram roreltu bera an pawm a ni. US Secretary of State, John Kerry chuan Libya ram rorelna pumpui GNA te kuta a awm theih nan leh, ISIS te hneh an nih theih nan ralthuam hmanga GNA puih chu thil pawimawh tak a ni tih a sawi.

United Nations chuan ram ṭhenkhatah ralthuam hralh a khap a, chung zingah chuan Libya hi a tel. Libya-a sorkar pangngaia pawm, GNA hian UN Sanctions Committee hnenah Libya hnena ralthuam hralh khap hi hlip rih tur≠in a ngen dawn a ni. Libya-ah hian ISIS an chak hle a, tunah hian raldo tur mi 6,000 chuang a nei mek.

Vienna-a ram hrang hrang hruaitute inhmuhkhawmah hian ralthuam hmanga GNA puih hi an remti tlang tih Kerry chuan sawiin, hei bakah hian ralthuam leh sipai thil ni lo, thil danga Libya-in ṭanpui a ngaihnaah pawh an
ṭanpui ang tih a sawi bawk. ìLibya sorkarin presidential guard te train a, ralthuam hmanga pui turin min rawn ngenna tihlawhtling tur hian kan inpeih tawh a ni,î a ti.