Obama'n Trump-a policy a sawisel

US President Barack Obama chuan kumin November thlaa US president thlanna neih tura Republican party candidate tur, Donald Trump-a policy a sawisel.

Donald Trump hian a campaign-naah US-a Muslim luh khap te, Me≠xico nena an inri-naah dai≠danna bang siamte a rawt a, hei hi ramdang hruai≠tute pawhin an sawi≠sel nasa hle.

Obama chuan thu a sawinaah Trump-a hming hi sawilang kher lo mah se, khawvel ram hrang hrangte chu tun hma aiin an pawhzawm tawh tih sawiin, daidanna bang siam ringawt chuan engmah a thlak danglam dawn lo a ni, a ti. Bang siam hian an ram tan hna thar a siam≠sak dawn lo a, an ram eco≠nomy pawh a tihṭhat phah dawn lo niin a sawi.

Hei bakah hian Muslim-te luh khap chungchang pawh sawiselin, Muslim-te lo dan beh emaw, lo enhran emaw chu an ram tihdan phung a ni lo tih a sawi. Hei hian firfiakte an beih≠letna kawnga an thawhpui ram pawimawh tak takte nena an inkar pawh a tikhi thei a ni, a ti.

Britain Priem Minister David Cameron pawhin Donald Trump-an US-a Muslim luh khap a rawt chu mi ṭhendarh tumna, ngaihdan dik lo leh mawl tak a ni tiin a lo sawisel tawh a, hei vang hian Trump chuan Cameron nen hian boruak ṭha tak an neih theih a rin loh thu a sawi. Piers Morgan-an a kawmnaah, Trump chuan, "Kei chuan inlaichinna ṭha tak neih ka beisei a, mahse a ni hian harsatna awmte chinfel a duh lo niin a lang" a ti. Cameron-an a sawiselna chu chhang let≠in, mi mawl a nih loh thu leh, inpumkhatna duhtu a nih thu a sawi.