Uganda eptu hruaitu ram phatsantuah puh

Uganda ram eptu hruaitu, Kizza Besigye chu ram phatsantuah puhin thubuai siamsak a ni.

Besigye hi an ram inthlanpui neih takah President Yoweri Museveni khingpui lian ber a ni a, he inthlanah hian Museveni hi hneh taka thlan tlin a ni.

Kar kalta Nilaini khan Besigye hi Kampala khuaah man a ni a, Moroto lamah hruai nghal a ni. A ukil, Erias Lukwago chuan, "Police-te hnen aṭangin Moroto court-ah Besigye hi hruai a ni a, ram phatsantua puhna thubuai siamsak a ni tih kan hria a ni" a ti.

Uganda President Museveni chu kar kalta Ningani kha a term nga-na atan lakluh a ni leh a, kum 30 chhung Uganda ram hruaitu hna a chelh tawh a ni.