Donald Trump-an NKorea hruaitu hmuh a duh

US Republican candidate Donald Trump chuan North Korea ram hotu, Kim Jong-un chu nuclear programme an kalpui mek chung≠changah hmuh a duh tih a sawi.

Trump chuan Kim Jong-un nena inbiak chungchangah harsatna a neih loh tur thu sawiin, inbiakna hi neih a nih chuan NKorea laka US policy pawh a thlak danglam dawn niin a sawi. Trump hian NKorea ram hruaitu inbiakna neihpui a hreh loh thu a sawi rual hian, Russia Presidnet Vladimir Putin chu Ukraine khawchhak lama Russia sipaite chet dan chungchangah a sawisel thung.

Hetihlai hian Democratic candidate zinga hma hruai mektu, Hillary Clinton-i chuan Trump-a foreign policy hi na takin a sawisel a, awmze nei lo niin a tarlang.

BBC chuan Trump hian November thla≠a US president thlanna neih hmain UK a tlawh dawn niin a tarlang bawk. July thlaa party convention neih huna Republican party candidate atana puan a nih hnuah a zin rin a ni. Trump hian US-a Muslim luh khap a rawt chungchangah British Prime Minister David Cameron leh London Mayor Sadiq Khan-ten na taka an sawisel hnuin, UK nen hian inlaichinna ṭha tak an neih theih a rin loh thu a lo sawi tawh a ni.