Iran-in President Raisi ni nga chhung an sun dawn

Iran chuan Pathiannnia helicopter chesuala thi, president Ebrahim Raisi, foreign minister, Hossein Amir Abdollahian leh official dangte chu ram pum huapa ni nga chhung sunna hun an hman tur thu a puang.

President Raisi thihna avang hian Iran mipuite chu Thawhṭanni khan mosque leh kawn remchang laiahte pung khawmin ṭawngṭaina hun hmangin, President Raisi sunna hun hi an hmang tawh a ni. President a thih avang hian Iran foreign policy leh nuclear programme-a thuneihna neitu, Supreme leader, Ali Khamenei chuan Iran first vice president, Mohammad Mokhber chu president lailawk atana ruat thu a puang tawh bawk a, foreign minister atan Ali Bagheri Kani chu ruat a ni bawk.

Raisi ruang bakah, Amir Abdollahian leh official dangte ruang hi Iran east Azerbaijan province khawpui Tabriz-ah phur thlengin, nimin khan vuina hun hman nghal a ni. Vuina hun hman zawhah hian Raisi ruang hi a pianna khua Mashbad-ah phurh leh tur a ni a, hetah hian phum a ni ang. An ram hruaitute sunna pual hian vawiinah Iran-a sorkar office leh mimal sumdawnna zawng zawngte chu khar tur a nih thu Iran sorkar chuan a puang zui bawk a ni.