Japan-in Mt Fuji lan theihna hmun zar hliah

Japan chuan Fuji Kawaguchiko khuaa an rama tlang sang ber, Mount Fuji lan theihna hmunah tualchhung miten complaint an neih avangin a zar hliahna tur a siam.

Fuji Kawaguchiko-a convenience store epa pavement aṭangin Mount Fuji hi a lang chiang hle a, helai hmunah tourist leh thla lak tum mi tam tak an kalkhawm ṭhin. Mahse tualchhung mite chuan hei hi sawiselin, mi teihawi tam lutuk leh khualzinte bawlhhlawh thehthangte chuan an tan harsatna a thlen niin an sawi a, hei vang hian thuneitute chuan Mount Fuji a lan theih tawh lohna tur hian screen lian tak an zar ta a ni.

April thla tawp lam khan official-te chuan screen an dah tur thu hi an lo sawi lawk tawh a, mahse hei vang hian helai hmuna kalkhawm ṭhin erawh an tlem phah chuang vak lo nia sawi a ni. Khualzin ṭhenkhat chuan screen zar hi a ṭhat rei an rin loh thu leh, reiloteah mi ṭhenkhatin an screen zar hi tiṭetin, Mount Fuji thla chu an la lak theih leh tho an rin thu an sawi a ni.