Donald Trump-an Hillary Clinton-i lehpel

US mipuite ngaihdan lak hnuhnung berah, an ram president atan Hillary Clinton-i aia Donald Trump duhtu an tam zawk. Tun ṭum hi mipui ngaihdan lakah Trump-an Clinton-i a lehpelhna hmasa ber a ni.

Fox News-in national poll a buatsaih hnuhnung breah Trump hian president atana duhtu 45% a nei a, Clinton-i hian thlawptu 42% a nei thung.

Kumin November thlaa US President thlanna neih tura Donald Trump hi Republican candidate turin a chiang tawh a, mahse Democratic lamah erawh chuan Hillary Clinton-i hian hma hruai mek mah se candidate tur hi a la chiang lo. Clinton-i hian Democrats candidate chuhtu zingah amah hnaih bertu, Bernie Sanders lakah fal takin hmam hruai mah se party candidate ni tura delegate neih ngai zat a la nei pha rih lo a ni.