Bangladesh PM-in sorkar paihthlak tumah eptute puh

Bangladesh Prime Minister Sheikh Hasina chuan eptu pawl, Bangladesh Nationalist Party (BNP) leh Jamaat-e-Islami-te chuan Israel thawhpuiin, a kaihhruai sorkar chu paihthlak an tum niin a puh.

Sheikh Hasina chuan BNP leh Jamaat-te hian thuneihna chelh an chak em avangin, Israel chu thawhpuiin an phiarru mek tih a sawi a, an ruahmanna tenawm tak lak
aṭanga fimkhur turin an ram mipui≠te a chah nghal bawk. "Palestine rama naupang leh hmeichhe tam tak thattu Israel chu an thurualpui a ni" a ti. A thusawi hi state news agency BSS chuan a tichhuak a ni.

PM thusawi tihchhuah a nih hma ni hian Bangladesh police-te chuan Israel intelligence agency, Mossad nena inzawmna nei Israel politician pakhat a hmuh avangin BNP Joint Secretary General Aslam Chowdhury chu an lo man tawh bawk.

Hetihlai hian Israel politician, Mendi N Safadi chuan BNP hruai≠tu hi India ramah a hmu ngei tih a sawi a, mahse a ruka inhmu loin vantlang thiltihna hmuna inhmu an nih thu leh, thuruk sawi an neih loh thu a sawi. Bangladesh sorkar paihthlak a nih dan tur chungchang sawia an puhna chu thil awihawm lo tak a nih thu a sawi