France-in Middle East conference buatsaih dawn

21st May, 2016

France chuan Israel leh Palestinian inkara inremna a awm theih nan June 3 hian Paris-ah Middle East peace conference a buatsaih dawn tih France foreign minister Jean-March Ayrault chuan a sawi.

France ram hian thla hmasa khan Israel-Palestinian inremna a awm theihna tur hmalakna chu a tharthawh leh a, Egypt chuan remna palai hna thawh a hreh loh thu a sawi bawk.

US Secretary of State, John Kerry chuan France leh Egypt-te hmalakna chu lawmawm a tih thu sawiin, Paris-a international conference neih turah hian tel ngei a tum thu a sawi.

Palestinian chuan he hmalakna hi ṭha an tih thu an sawi a, mahse Israel Prime Minister Benjamin Neta≠nyahu chuan international conference buatsaih chu an ram chuan a duh loh thu leh, Palestinian aiawhte nen chuan midang kaltlang loa inbiak mai an duh thu a sawi thung.