Israel Defence Minister a bang

Israel Defence Minister Moshe Yaalon chuan minin khan minister a nihna aṭanga a ban thu a sawi.

Moshe Yaalon chuan Prime Minister Benjamin Netanyahu-an a kaihhruai ṭangrual sorkar tihlen tuma a hmalakna pakhatah, thlak tuma rawtna a siam avangin PM hi a ring tawk tawh lo tih sawiin a ban thu hi a sawi a ni.

Yaalon chuan PM hnenah hian minister aṭanga a ban bakah, Parliament member a nihna aṭang pawhin a bang a, politics lam chawlhsan rih a tum tih a hrilh niin a sawi.

Israel armed forces hotu hlui, Yaalon hian denfece lamah US nena an thawhdunna pawh a siamṭha hman hle. Hetihlai hian amah thlaktu tura sawi rik, Lieberman erawh chu sipai lamah tawnhriat a nei  ṭha lo hle thung.

Kar tir khan PM office chuan ṭangrual sorkarah Yisrael Beitenu party telh a, an party hotu Lieberman chu Defence Minister atana dah a rawt a, mahse hei hi tihchian a la ni lo. Beitenu Party hi sorkara telh a nih chuan Parliament-a seat 120 awmah ṭangrual sorkar hian member 67 a nei pha dawn a ni.

Israel Channel 10 television-in Ningani-a mipui ngaihdan a lakah, Israel rama Juda zinga 51% chuan Yaalon hi defence minister an duh ber a, Lieberman duhtu chu 27% chauh an awm.