Myanmar aṭangin Rohingya 45,000 tlanchhia

United Nations chuan Myanmar-a Rakhine state-a inbeihna a chhuah thar leh avangin Rohingya mi 45,000-te chu himna zawngin ram dangah an tlanchhia tih a tarlang.

Rakhine state-ah hian nikum November thla aṭang khan armed group, Arakan Army (AA) leh Myanmar sipaite an inbei chho leh a, sipai leh helpawl inbeihna hi Muslim minority, Rohingya hian an tuar nasa leh ber a ni. Kum 2017 khan Myanmar sipaite beihpui thlakna avangin Rohingya maktaduai khat chuang chu Bangladesh ramah an lo tlanchhe tawh bawk.

UN rights office thupuangtu Elizabeth Throssell chuan tun hnaia Rakhine state-a Buthidaung leh Maungdaw khuaa inbeihna thleng avangin mi sing tel chu Naf lui kanin Bangladesh lamah an tlanchhe leh niin a tarlang. UN rights chief Volker Turk chuan Bangladesh leh ram dangte chu raltlante himna tur hi lo ngaihtuahpui turin a ngen.