Thai court-in lal sawiseltu lawmaker leh musician hremna tichhuak

Thailand court chuan an ram lal chhungkua sawisela puha thiam loh chantir tawh, activist, musician leh Parliament-a eptu member pakhat hremna tur chu nimin khan a tichhuak.

Thailand ram hian an lal chhungkua sawisel khapna dan khauh tak neiin, lal zah loa puhte chu kum 15 thleng lung in tantir theih an ni. Nimina court-in hremna a tihchhuahte hi Parliament-a Move Forward Party member, kum 31 mi Choncthicha Jangrew leh musician, kum 35 mi, Chaiamorn Kaewwiboonpan te an ni. Jangrew hi kum 2021-a sorkar laka lungawi lohna lantirna hmuna thu a sawi avangin kum hnih tang turin hrem a ni a, Kaewwiboonpan hi an ram lal King Maha Vajiralongkorn lem a hal avangin kum li tang turin hrem a ni.

Court-in thiam loh a chantir pahnihte hian an ram lal chhungkua zah loha puhna hi an pha a, bail-a chhuah an dil nghal bawk.

Kum 2020 aṭang khan Thailand court hian lal chhungkua sawisel khapna dan hmang hian mi 272 thubuai a lo siamksak tawh a, kum 2021 khan hmeichhe kum 65 mi chu social media-a lal chhungkua sawiselna lam thu a post avangin kum 43 tang tura hrem a ni a, nikum khan an ram lal crown chungchang social media lama a post avangin kum 28 tang turin hrem a ni bawk a ni.