Syria jail-ah mi 60,000 an thi

Syrian Observatory for Human Rights chuan Syria ram chhunga jail hrang hrangah kum nga kalta chhung khan mi 60,000 chuang an thi niin a sawi a, an zinga ṭhenkhat chu sawisak hlum an ni a, ṭhenkhat erawh chu an dinhmun chhe lutuk vanga thi an ni.

Observatory hruaitu, Rami Abdel Rahman chuan, "Kum 2011 March thla aṭang khan nghaisak leh damdawi leh ei tur tlakchham avangin mi 60,000 vel chu jail chhungah an thi tawh a ni" a ti.

Syria ram tualchhung buaina hi President Bashar al-Assad-a duh lohna lantirna aṭanga rawn irhchhuak a ni a, tunah chuan helpawl leh sorkar indonaah a chang tawh a ni.

Syria rama UN special envoy, Staffan de Mistura chuan tualchhung indona thleng vangin kum nga kalta chhung khan mi 400,000 vel an thi niin a sawi a, mahse hei hi UN official statistic ni loin, a mimala a chhut dan a ni thung. Syria buaina thlen hnu hian mi sing tel chu an chin hriat loha an awm avangin thi hi a zat diktak hriat a har hle.