Cyclone Roanu tleh vangin Bangladesh-ah mi 21 thi

Bangladesh ramah kar kalta Inrinni khan cyclone Roanu tleh vanga chhiatna thlengah mi 21 an thi a, midang eng emaw zatin hliam an tuar.

Thlipui tleh hma hian tuipui kama cheng mi 500,000 vel chu thuneituten hmun him lamah sawnin, an awm lailawkna tur hmun 3,500 a siamah dah an ni. Thlipui tleh hian in eng emaw zat a lenchhia a, ruahtui a pai tel avangin hmun hrang hrangah lei a min bawk. Thingkung leh electric bante a tlu nasa a, tuifawn nasat avangin hmun tam tak chu tuiin a chim bawk.

Disaster Management and Relief Minister Mofazzal Hossain Chowdhury Maya chuan leimin belh zel hlauhawma a la awm avangin Chittagong-a chengte chu hruai≠chhuah an ni th a sawi. Sangha mantute pawh nimin tlai thleng khan tuipui lamah an lawngte kalpui lo tura hriattir an ni bawk a ni.

Bangladesh hian thlipui a tuar fo a, kum 2007 khan Cyclone Sidr tleh vangin mi 3,000 chuang an thi a, 2009 khan Cyclone Aila tleh vangin mi 200 velin nunna an chan tawh bawk.