Tajikistan danpui siamṭha dawn

Tajikistan ram danpui siamṭhat duh leh duh loh chungchangah Pathianni khan mipuite ngaihdan lak a ni.

Danpui siamṭhatna tura rawtna siamte hi mipuiten an thlawp a nih chuan President ṭanglai, Emomali Rahmon chu a damchhungin president a ni thei dawn a ni. Kum 1992-a an ramin independence a hmuh aṭangin Rahmon hian president hna hi a chelh tawh. Nikum khan an ram parliament chuan 'Leader of the Nation' nihna a lo pe tawh bawk.

Vote laknaah hian mipui an thawhchhuak ṭha hle a, vote nei mi mak≠taduai 4.3 zingah 88.3% in vote an thlak a ni.

President term bihtliah siam chu tihtawp rawt a ni a, hei bakah hian sakhaw behchhan party din khap rawt a ni bawk. President inthlana chuh thei tur kum bi≠thliah chu kum 35 aṭangin 30-ah tihniam rawt a ni.

Tajikistan hi ram rethei tak niin, Russia chungah a innghat lian hle. An ram mi tam tak chu Russia-ah hnathawkin an awm a, ram pawna hnathawkte aṭanga an sum hmuh hi an ram GDP zahve dawn a tling pha.