Suu Kyi-in Rohingya buaina chinfel nan hun pe turin ngen

Myanmar Foreign Minister Aung San Suu Kyi-i chuan an ram tlawhtu, US Secretary of State John Kerry-a hnenah an rama Rohingya muslim-te buaina chingfel tura hun pe turin a ngen.

Myanmar ramah hian Rohingya muslim-te chu kum 2012-a Rakhine state-a Buddhist leh Muslim inkara buaina chhuak avangin tun thlengin chenna mumal nei loin an la awm mek a, tam tak chu an dinhmun a chhe hle.

Myanmar Buddhist tam zawk chuan Rohingya-te hi Bangladesh aṭanga dan loa an rama pemlutte niin an ngai a, Bengali tiin an sawi ṭhin.

John Kerry hian ni hnih cham turin Myanmar hi a tlawh a, Pathianni khan Suu Kyi-i nen Nay Pyi Taw-ah jont press conference an nei a ni. Kerry chuan US chuan Myanmar sorkar thar a din hnuah a thlawpna lantirin a hrekna ṭhenkhat chu a hlip tawh tih a sawi a, mahse sector
ṭhenkhatah chuan hrek chhunzawm a la nih tur thu a sawi.