School-a kangmei chhuakah zirlai 17 thi

Thailand hmarlam, Chiang Rai-a Kristian school-ah kangmei a chhuak a, zirlai hmeichhe naupang 17 an thi a, midang eng emaw zatin hliam an tuar.

Kangmei hi Pathianni zan dar 11 vela chhuak a ni a, kangmei chhuah la hian zirlaite hi an muhil vek a ni. Hliam tuar zinga pahnihte chu an dinhmun a ṭhalo hle niin Chiang Rai police hotu, Colonel Prayad Singsin chuan a sawi.

Chiang Rai provincial official chuan kangmei chhuahna private school hian hmeichhe naupang, kum 6-13 inkarte awmna tur hi a siam tih a sawi a, hetah hian khawchheh vela aṭanga kalte an awm a ni. Kangmei a chhuah lai hian dormitory-ah hian zirlai naupang 38 an awm a ni.