Covid-19 a kai hnuah a ṭum khat nan mipui hmaah Trump a inlan

US president Donald Trump chu Covid-19 a kai tih hriatchhuah a nih hnua a ṭum khatna atan kar liam ta Inrinni tlai khan White House-a bathlar (balcony)-ah mipui hmaah a inlan 

Hri a kai tih hriat a nih aṭang ni 10 hnuah Trump hian White House balcony aṭangin a hriselna dinhmun a ṭhat tawh viau thu a sawi a, amah ṭawngṭaisaktute chungah leh amah thlawp tlattute chungah lawmthu a sawi. White House kawtah hian amah thlawptu mi tam tak an awm khawm a ni.  

November thlaa President inthlan an hmachhawn tur atan pawh campaign a ṭan leh thei dawn niin Trump chuan a sawi a, Democrats aiin he hri leng mek hneh dan tur pawh Republican chuan an hriat zawk thu a sawi. Mipui hmaa a inlannaah hian Trump hian hmaituamna a hmang lo a, he hunah hian Trump chuan science medicine hmanga China virus, Covid-19 chu nuai bo a nih theih ngei a rin thu a sawi.

White House-a thu a sawi dawn hian Trump hian a hmaituamnna a la thla a, hmaituamna vuah loa thu a sawi avang leh, amah thlawptu mipui an punkhawm avangin eptu lam chuan an sawisel nghal a,  hri a darh phah theih thu an sawi a ni.