Iran sipaite'n Pakistan mi pali an kap hlum

Iran ramri vengtu sipaite chuan Pakistan-a Balochistan province-ah Pakistan mi eng emaw zat phurtu lirthei an kap a, mi paliin nunna chânin mi pahnihin hliam an tuar bawk tih Pakistan thuneitute chuan nimin khan an tarlang.

Nilaini khan Mashkel khaw bulah inkahna hi a thleng tih police-te chuan an sawi a, Iran siapite'n an kah chhan hi an la hriat loh thu administrator, Sahibzada Asfand chuan a sawi. Ram pahnih foreign ministry aṭangin inkahna thleng chungchangah thu chhuah a la awm lo bawk.

Iran leh Pakistan inrinaah hian dan loa thil tawlh ru leh helpawlte chu ramri venghimtu sipaite hian an man ṭhin a, tun inkahna avanga thite pawh hi dan phal loha che an nih avanga sipai lam hian kap an nih rin a ni.