Russia-in thubuai siamsakah chess champion hlui Kasparov a vau

Russia chuan world chess champion hlui, Garry Kasparov chu an ram 'foreign agent' law bawhchhiaa puhin, a laka criminal case siamsakah a vau. Kasparov hian kum 10 chuang liam taah khan thubuai siamsak hlauhthawn avangin Russia hi a lo chhuahsan tawh a ni.

Russia law enforcement official-te chaun Kasparov thubuai siamsakna tur chhan ṭha tawk an nei tih an sawi a, thubuai hi siamsak a, thiam loh chantir a nih chuan kum hnih thleng lungin tan emaw, pawisa chawi emaw theih a ni ang.

Kum 2022-a Russia-in Ukraine a run hnua Russia-in foreign agent anga awm list a tihchhuahah Kasparov hi telh a ni. An ram danah chuan foreign agent an tih hi ram dang aṭanga puihna dawng, ram dangte thurualpuia, Russia ram chhunga political activity-a inhnamhnawih zui thote an ni.Russia-in thubuai siamsakah chess champion hlui Kasparov a vau