Fallujah khuaah mi tam tak tang

Iraq sipaiten Islamic State (IS) firfiakte kut aṭanga Fallujah khua laklet tuma beihpui an thlak ṭan avang≠in he khuaa cheng, civil mi tam tak chu hmun him lam pan thei loin an tang mek.

Sipaiten hian khua hi an hual hnuah civil mite chu an theih anga khua aṭanga inthiarfihlim turin an hriattir a, mahse IS-te hian khawdaia an insawn phalsak mah se, khua an chhuahsan erawh an phalsak lo thung.

UN leh humanita≠rian organisation hrang hrang chuan Baghdad khawthlang lama awm, Fallujah khuaah hian civil mi 50,000 vel zet chu an tang mek tih sawiin, an dinhmun a chhe hle a, ei leh in tur ṭha pawh an nei tawh lo niin an sawi.

IS lak aṭanga tlanchhuak theite tan pawh hmun him hnai ber chu km 30 zeta thui a ni a, heng hmun hi ke-in an pan a, kawng lakah checkpoint eng emaw zat an paltlang a ngai a ni.

Thawhṭanni
aṭang khan sipaite hian beihpui an thlak ṭan a, hemi hma hian a khaw chhehvel chu thla tam tak an lo bei tawh a, hei vang hian khaw chhunga chengten ei tur leh damdawite an tlachham tawh a ni. Kar tira beihpui thlak a nih aṭangin civil mi 15 an thi tel tawh nia sawi a ni bawk.

Iraq sipaite chuan Fallujah khawchhak lama awm, al-Karma aṭangin IS fighter-te an umchhuak tawh niin an sawi. Iraq sorkar chuan khawchhunga cheng, civil mite tan tlan≠chhuahna tur kawng a siamsak tih sawiin, tlanchhuakte chu an awmna tur camp a lo siamsak niin a sawi.