Israel Minister-in Palestinian firfiakte ruang thawn haw khap

Israel Minister of Interior Affairs Gilda Erdan chuan an ram police-te chu East Jerusalem-a cheng, Palestinian firfiak thahte ruang chu an chhungte hnena thawn haw tawh lo turin a hriattir.

He thu hi a Facebook page-ah tarlangin, Erdan chuan "Police-te chu firfiak≠te ruang an khaw lama thawn haw tawh lo turin ka hrilh a ni", a ti. He thutlukna a siamna chhan chu East Jerusalem-a Palestinian firfiak pakhat, Alaa Abu Jama-a vuinaa mi tam tak pungkhawm≠ten Israel laka phuba lak an tum thu an aupui vang niin a sawi.

Alaa Abu Jamal hi East Jerusalem chhim lam, Jabel Mukaber-a cheng a ni a, nikum October thla khan central Jerusalem-ah a car-in Israel mite a su a, chem nen a bei zui bawk a ni. Juda Rabi kum 59 mi a thah bakah, mi dang pahnihin hliam na tak an tuar bawk a, police-ten a hnuah amah hi an kaphlum a ni. A ruang hi Israel thuneitute chuan an kawl a, a ni bakah hian Israel mite beitu Palestinian firfiak dang 11 ruang pawh an kawl bawk.

West Bank-a cheng, Israel mite beitu kahhlumte ruang chu reilote hnuah an chhungte hnenah pek an ni ṭhin a, mahse nikum September thla laihawl
aṭanga Palestinian-ten East Jerusalem-a Juda mite chunga pawikhawihna an thlen ṭhin aṭang khan he biala cheng firfiak thahte ruang erawh chuan an kawl zui ṭhin.

May 3 khan Israel Supreme Court chuan police-te chu firfiak an thah takte chhung nen inbia a, ruang an kawlte chu Muslim thla thianghlim, June thla aṭanga inṭan tur, Ramadan hmaa pekkir dan ngaihtuah turin a ti a ni. Police-te chuan ruang an pekkir dawn chuan an vuinaah mi 40 aia tam pungkhawm lo tur leh, Israel dodalan thu aupui lo turin an phut thung. Minister-in thupek a tihchhuah hma hian ruang eng emaw zat chu an pekir hman tawh a ni.