Nuclear reactor siam nan China leh Sudan-in inremna ziak

China chuan 600-megawatt atomic reactor siamna turin Sudan sorkar chu inremna a ziakpui a, hei hi Sudan rama atomic reactor siam hmasa ber tur a ni.

China hian Pakistan ram chu nuclear power reactor siam turin inremna a lo neihpui tawh bawk a, tunah hian Karchi-ah 1100mw reactor pahnh a siam mek a ni.

Sudan rama nuclear reactor siamna tur hian China sorkar hnuaia mi, China National Nuclear Corp (CNNC) chuan inremna thuthlung hi a ziak a ni. An inremnaah hian CNNC chuan Sudan rama nuclear power station hmasa ber tur a siamsak bakah, kum sawm chhung atan nuclear power lama hmasawnna tur a duansak bawk ang. CNNC hian nuclear reactor pahnih siam turin Argentina chu inremna a lo ziahpui tawh bawk a, hei bakah hian Electricite de France nena thawkdunin Britain-ah reactor pathum a siam bawk ang.