Japan-ah G7 summit ṭan

Group of Seven (G7) summit chu nimin khan Ise-Shima, Japan ramah neih ṭan a ni. Vawiina neih chhunzawm a ni ang.

G7 summit-ah hian member ram hruaitu, US President Barack Oba≠ma, French President Fran≠cois Hollande, German Chancellor Angela Mer≠kel, Canadian Prime Mi≠nister Justin Trudeau, Ita≠lian Prime Minister Mat≠teo Renzi leh Japa≠nese Prime Minister Shinzo Abe-te an tel. Japan PM Abe chuan summit hi a kaihruai a ni.

Summit ṭan hma hian ram hruaitute hian Japan Shintoism hmun pawimawh, Ise Jingu an tlawh hmasa a ni.

G7 summit hi sesson panga-ah neih a ni dawn a, hengah hian khawvel economy chungchangte, firfiaka chetna beih let dan te, raltlan pung zel vanga buaina thleng mek leh khawvel sik leh sa inthlak danglam chak chungchangte an sawi ang.

Summit ṭan hma, Nilaini khan US Marine Corps hluiin Japan mi pakhat a thah avanga lungawi lohna lantirin, mi 4,000 vel chu Japan chhim lam, Okinawa-a US Kaneda airbase-ah an pungkhawm. Hemi ni vek hian US President Obama chu G7 hmang tur hian Japan hi a thleng a ni.

Nilaini zan khan Abe leh Obama-te chuan mee≠ting nei nghalin, US presi≠dent chuan tualthahna thleng chu pawi a tih thu a sawi. US airbase awmna, Okinawa-ah hian US si≠paiten thubuai an nei fo. March thla khan US Na≠vy sailor pakhat chu Oki≠nawa khawpui, Naha Ci≠ty-a hotel-ah hmeichhia a pawng≠sual avangin man a ni. Kum 1995 khan US si≠pai pathum chuan school nau≠pang hmeichhe pakhat an lo pawngsual rawn tawh bawk.

Obama chuan vawiin hian Hiroshima khua a tlawh dawn a, Shinzo Abe-an a ṭawimawm ang. Obama hi US President nihlaia Hiroshima khua tlawh hmasa ber tur a ni. Indopui II lai khan US chuan Hiroshinma khuaah hian atom bomb a thlak a, mi tam takin an thih phah a ni. Mahse Obama chuan a hmain an thiltih avang hian ngaihdam dil a tum loh thu a lo sawi tawh a ni.