Sri Lanka tuilian tuarte chhawmdawl ngai

Sri Lanka rama tuilian vang≠in mi 350,000 chuang chuan an chenna hmun an tlanchhiatsan a, heng mite hi chhawm≠dawl ngaiin an awm mek tih Red Cross chuan a sawi.

Kar hmasaa Sri Lanka rama tuilian khan kum 2004 hnu lama tuilian an tawrh nat ber a ni. Tuilian vang hian mi 92 an thih bakah, chenna in 125,000 a chhe bawk.

International Federation of Red Cross and Red Crescent Societies (IFRC), Sri Lanka office hotu, Igor Dmitryuk chuan chhiatna thleng hi thingtlang leh khawpui amiten an tuar tih sawiin, chhungkaw tam tak chu engmah nei loin an awm mek a ni, a ti.

IFRC chuan tuilian tuarte ṭanpuina atan hian thla 18 chhung atan dollar maktaduai 3.6 mamawh a nih thu a sawi. Tuilian vanga an in chante in sak ṭhatna turte, leilet a tihchhiat siamṭhatna turte leh infrastructure dang chhe siam≠na turtein sum tam tham tak mamawh a nih thu a sawi.