Iraq PM-in UK tlawh dawn

Iraq Foreign Ministry chuan Pathianni khan thuchhuah siamin an prime minister Mustafa al-Kadhimi chuan Britain a tlawh dawn tih an tarlang.

Foreign Minister Fuad Hussein-in thuchhuah a siam dan chuan British Amba­ssador to Iraq Stephen Hickey nen al-Kadhimi-in Britain a tlawh dan tur chung­chang hi an sawi dun a, mahse eng nge a tih dawn tak chiang takin an tarlang lo.

Stephen Hickey leh Hussein-te hian ram pahnihin an ram chhehvel leh khawvel pum huap pawha duhdan inang an neih chungchangte an sawi dun a ni.

Hussein chuan an ram sorkarin Baghdad chungchanga venhimna hna an thawh dan chungchangte pawh a sawi lang. 

Britain hi US kaihhruai ṭangrual pawlah telin Islamic State firfiakte beihna kawngah Iraq security force-te nasa taka puitu a ni a, thlawhtheihna leh an sipai chakna hmangtein Iraq leh Syria-a IS firfiak awmte a beih ṭhin bakah Iraq sipaite chu sipai hmanruate pein training te an pe ṭhin bawk.