Nobel Prize 2020 dawng turte puang kim ta

Nobel Prize Committee chuan nimin khan Nobel Prize in Economic Sciences, 2020 dawng tur puangin, Paul M.Milgrom leh Robert B. Wilson-te thlan an nih thu a sawi. 

Prize Committee chairman Peter Fredriksson chuan auction theory tichangtlung a, auction format thar an hmuh chhuah avangin Paul M.Milgrom leh Robert B. Wilson chu chawimawina dawng tura thlan a nih thu a sawi. An thil hmuhchhuah chu society tana thil ṭangkai tak a ni, a ti. 

Chawimawina ngaihhlut tak, Nobel Prize 2020 dawng tur puang kim a ni ta a, kumina he chawimawina dawng tur thlan chhuahte chu :

Nobel Prize in Physicology or Medicine : Harvey Alter, Michael Houghton leh Charles Rice 

Nobel Prize in Physics : Roger Penrose, Reinhard Genzel leh Andrea Ghez

Nobel Prize in Chemistry: Emmanuelle Charpentier leh Jennifer A. Doudna

Nobel Prize in Literature : Louise Glück

Nobel Peace Prize : World Food Programme

Nobel Prize in Economic Science: Paul R. Milgrom leh Robert B. Wilson

 Nobel Prize hi Swedish chemist, engineer leh industrialist Alfred Nobel hriatrengna atan pek a ni a, kum 1901 aṭang 2019 thleng khan Nobel Prize (1960 aṭangin Prize in Economic Sciences hi telh a ni) hi pawl leh mimal 950 hnenah hlan a ni tawh. Peace Prize ni lo, chawimawina dang dawng­tute chu Stockholm, Sweden-ah hlan an ni ṭhin a, Peace Prize hlanna inkhawm erawh Oslo, Nor­way-ah neih a ni ṭhin thung.

Chawimawina dawng tur hian mitthi tawh thlan a ni ngai lo a, mahse dawng tura puan a nih tawh hnua a thi a nih erawh chuan hlan a ni tho ṭhin. Chawimawina hi mi pathum aia tamin an inṭawm thei lo a, Peace Prize bik erawh chu pawl hnenah hlan theih niin, an lo dawng fo tawh bawk.