SKorea-in aurinna hmangin thuchah thehdarh leh dawn

North Korea-in South Korea lama balloon hmanga bawlhhlawh a thawn luh chhan let nan, SKorea chuan kum ruk hnua a vawikhat nan NKorea mipuite hriat theih turin aurinna hmangin thuchah thehdarh leh ṭan an tum tih an puang.

NKorea hian Inrinni leh Pathianni khan bawlhhlawh awmna balloon 300 chuang SKorea ramah hian a thawn leh a, balloon 80 vel bawr chu SKorea ram chhungah a tla a ni. Thla hmasa khan NKorea chuan bawlhhlawh awmna balloon 200 chuang SKorea lamah hian an lo thlawh luh tir tawh a, hemi an tih chhan hi SKorea in propaganda leaflet tam tak NKorea lama an thawn chhan letna a nih thu an sawi.

SKorea-in aurinna hmanga thuchah thehdarh an tum tih an puan hi NKorea lam hian la chhang let lo mah se tunhmaa SKorea in an tih ṭhin lai chuan an ngaithei lo hle a ni.

South Korea sipaite chuan aurinna hmanga thuchah puan ṭhin hi chhunah chuan kilometre 10 bial chhungah a a hriat theih a, zanah erawh kilometre 24 bial chhungah a hriat theih niin an sawi.